[center][center]سلسلة قصص الحب
"عنتر وهبلة"
ذهب عنتر إلى النادى حيث كانت حبيبته هبلة جالسة بمفردها تحت إحدى الأشجار هنا وفى يدها كتاب ما ، وكانت منهمكة فى قراءته بتركيز شديد
عنتر: مساء الجنان والتخلف
هبلة(مفزوعة): اخص عليك يا عنتر خضتنى .. اتأخرت ليه ؟
عنتر: معلش اصلى وانا جاى لقيت حدوة الحصان نايمة فاضطريت اغيرها
هبلة: ونفختها كويس ولا هتنام منك تانى؟
عنتر: لالا اطمنى .. ايه الكتاب اللى فى ايدك دة
هبلة : دة كتاب جميل عن الشعر الأمى .. الرومانسية فيه جميلة قوى
عنتر: أمى ايه قصدك الأموى؟
هبلة: اه اه الأموى
عنتر: وانتى من امتى بتعرفى تقرى اساسا؟
هبلة: يوه .. انت مش شايفنى بقرا قدامك اهو
عنتر: طيب سمعينى بيت شعر من الرومانسى اللى عندك
هبلة: الحب سنتح فى القلب ظاظا .. ولما شفتك ازداد لظاظا
عنتر: بس بس .. دى ألفاظ تتقال فى قصيدة .. قوليلى حاجة تانية حلوة
هبلة: السيكا سيكا أنص أنصنى .. حبك بالليل بيقرصنى
عنتر: يارب صبرنى .. اسمه ايه الشاعر دة
هبلة: والله يا عنتورتى اسمه مكتوب بالانجليزى وانا مبعرفش اقرا انجليزى
عنتر(آخذا منها الكتاب): ورينى كدة .. مين MaRoOo دة .. عمرنا ما سمعنا عنه ولا حتى فى سوق عكاظ
هبلة: يع .. ايه عكاظ دى ؟
عنتر: السوق اللى كنا بنتبادل فيه القصايد الشعرية مع فطاحل الشعر
هبلة: بمناسبة الشعر .. ايه رأيك فى قصة شعرى الجديدة
عنتر: والله يا هبلة يا حبيبتى انتى اسم على مسمى
هبلة: اخص عليك يا عنتورتى .. دانا غيرتها عشان
عنتر: جميلة يا حبيبتى جميلة
تحسس عنتر رأسها ممررا أصابعه بين خصلات شعرها ، وفجأة خـُلع شعرها المستعار "البروكة" فى يده وظهرت صحراء رأسها أمامه وأصابته بدهشة شديدة تصل إلى حد الصدمة
هبلة: ها إيه رأيك فى المفاجأة ؟!
عنتر: ايه دة ؟ وفين شعرك ؟!
هبلة: مانا بعته .. اشمعنى بيكهام يعنى .. وبعدين انا جالى عقد احتراف فى AC milan
عنتر: يعنى انا دلوقتى بحب رونالدو
هبلة: كدة بردو .. أنا رونالدو؟
عنتر: بس ما شاء الله النظافة من الايمان يا حبيبتى
هبلة: احنا هنتريق ولا ايه
عنتر: بس ماكنش المفروض تشمرى دماغك قوى كدة
هبلة: انت ليك الفخر انك قاعد معايا دلوقتى
عنتر(متحسرا): حبيبتى قرعة
نهضت "هبلة" وضربته بقدمها بغيظ شديد ...
عنتر(متألما): حبيبتى قرعة .. وبتلعب مصارعة
هبلة: انا غلطانة انى قاعدة مستنياك اساسا
عنتر: روحى استصلحى دماغك الأول
هبلة: السماد غالى يا خفيف
عنتر: طيب هاجى استصلحها انا بس اخد قرض واجيلك
هبلة: الـ(قرض) لو عطشاااااااانة نرويها بدماااااناااااااا
عنتر: ايه هو الدش بتاعك قلب على اذاعة الأغانى ولا ايه؟
التقطت "هبلة" حجارة كبيرة وألقتها على "عنتر" فشقت رأسه وانفجر منها ينبوع الدماء فسقط على الأرض وهرولت "هبلة" مبتعدة عن المكان ...
يستاهل
منقوووووووووووول